تمت اضافة صور من الرحلة على يسار الصفحة
عاد إن شاء الله تعجبكم
:)
هلوووووز ضيوفي
اليوم
كانت أول مرة في حياتي أروح مهرجان أو موقع سياحي هنا في جدة
او بالأحرى داخل المملكة
دايماً كنا نهرب منها بسبب الزحمة وسوء التنظيم إللي نسمع عنه
أنا سمعت عن مهرجان هذا العيد
لكني كنت أحسب إنه بس للشباب
بس لفت نظري مقال في جريدة الشرق الاوسط امس
عن سوق شعبي
او محلات ومعارض للحرف القديمة الجداوية
طبعا انا نجدية بس ساكنة في جدة
فما عندي أي فكرة عن الثقافة الحجازية القدية غير الأكل واللهجة
ههههههههههههههه
اليوم العصر تجمعنا انا وبنات خالتي إللي جايين من الرياض
وقلت لهم إن فيه كذا وكذا
وش رايكم نروح؟
فمرررة تحمسوا للفكرة وقالوا نروح
أمي وخالتي تغيرت ملامحهم
وش نروح؟؟
مهرجان وبجدة وعلى البحر
يا سلااااااام
حاولوا يمين يسار
مافي فايدة
مررررة متحمسين<<<<<<<<<<< على غير العادة
المهم أذن المغرب وأفطرت أمي إللي كانت صايمة
فطلعنا كاميراتنا وقررنا نسوي إننا سياح
وقعدنا نصور ونتصور مع كل شي
هههههههههههه
كانوا حاطين مجسم لسفينة كبيرة
وجنبها بانين بيت قديم عليه مشربيات
طبعا انا الله يخلف علي كنت أسميها الخشب إللي يغطي الشبابيك
ههههههههه
الجهة اليمين معرض صور
والجهة اليسار معرض للحرف والبيع
مشينا عليهم واحد واحد
وأكثر شي عجبني الشباب إللي كانوا لابسين العمم والشي إللي يلفونه على وسطهم
وكل واحد فاهم وش الأشياء ويشرحلنا بحماس
حتى واحد ورانا وشلون يسوون القطن خيوط <<<<<<<<<<<< مرة أحب الشباب السعودي المتحمس للتاريخ والأشياء القديمة
كان يبيع عمم وطواقي واللبس حق زمان
كان من جد مرة متحمس ويقول هذا كذا ويستعمل في كذا وينلبس كذا
انا عجبتني اللوحة حسيتها قديييييمة من جد
فمع الحماسة بعيد عنكم قعدنا على الدرج وتصورنا مع البيت
هههههههههه
صدق سياح
وحاطين فناجيل قديمة ومواعين وقدور
في أشياء شفتها إلين الحين الناس يستخدمونها
وفي أشياء عجيبة ما عرفت لإيش تستخدم
بعدها على الساعة 9 جت فرقة شعبية
وسووا مجموعة رقصات
هنا انا تشققت <<<<<<<< تحب الطقطقة
بس خسارة مشينا قبل لا أشوف رقصة المزمار
مررررررررة أحبها بس مدري هم سووها وإلا لأ
لكن بصراحة كانت تجربة جدا رائعة
وتعرفت على أشياء كثير جديدة
وكان التنظيم جدا حلو ونظيف
رغم بعض الأشياء المزعجة
زي إننا مرة احترينا وما لقينا موية إلا بعد دخلنا في الزحمة
عشان بس محل واحد كان يبيع موية
والجو بصراحة كان جداً ما يساعد
رغم إنو مو حر جدة القوي بس لسه حرررر
في تطور ما شاء الله
سوري طولت عليكم
بس مع الحماس
وحبيب أوريكم وش شفنا <<<<<<<<<< يعني يعني أعيشكم التجربة معانا
هههههههههه
تحياتي لكم
فروحة
